پي ٽي آءِ پنهنجي دور ۾ ڪو به ترقياتي منصوبو شروع نه ڪيو: رٿا بنديءَ وارو وفاقي وزير
اسلام آباد (نيشنل ڊيسڪ) رٿابندي واري وفاقي وزير احسن اقبال چيو آهي ته پي ٽي آءِ حڪومت ملڪ ۾ تباهي مچائي وئي هئي.
پي ٽي آءِ پنهنجي دور ۾ ڪو به ترقياتي منصوبو شروع نه ڪيو، ڪهڙي بنياد تي پي ٽي آءِ حڪومتي معاشي ايجنڊا تي تنقيد ڪري پئي.
رٿابندي واري وفاقي وزير احسن اقبال اسلام آباد ۾ پريس ڪانفرنس ڪندي چيو ته وزيراعظم شهبازشريف دليراڻي قيادت جو مظاهرو ڪيو.
وزيراعظم سياسي ۽ معاشي طور اڻٽر قدم کنيا، جڏهن اسان جي حڪومت آئي ته ترقياتي بجيٽ لاءِ هڪ رپيو به نه هو.
هن چيو ته اسان جڏهن آياسين ته ٻوڏ کي منهن ڏنو ۽ ترقياتي بجيٽ وڌائي، اسان حڪومت ۾ اچي معيشت کي بحال ڪيو.
