– سنڌ حڪومت جو آزادي ڏهاڙو تاريخي ۽ قومي جذبي سان ملهائڻ لاءِ تيارين بابت اجلاس، ثقافتي تقريبون، ضلعي سطح تي پروگرامن، صفائي ۽ سيڪيورٽي تي غور ويچار، سرڪاري عمارتن، روڊن، بسن ۽ بازارن کي قومي جهنڊن ۽ روشنين سان سينگارڻ جو فيصلو، ميڊيا تي مهم هلائي عوام کي تقريبن ۾ شرڪت جي دعوت ڏني ويندي، سينيئر صوبائي وزير شرجيل انعام ميمڻ جو چوڻ آهي ته آزادي جي مهيني دوران قرباني، حب الوطني ۽ اتحاد جو پيغام پکيڙيو ويندو، بزرگن، اقليتن، خاص ٻارن ۽ عورتن لاءِ پروگرام ترتيب ڏنا ويندا، آزادي ڏهاڙي تي ريليون، قومي گيتن جا پروگرام، راندين جا مقابلا ٿيندا، سنڌي ثقافت اجاگر ڪرڻ لاءِ آرٽس ڪائونسل، اسڪولن ۽ ٿيٽر گروپن جون تقريبون ٿينديون، ناصر شاهه چيو ته جشن آزادي خدمت، وڻڪاري، صفائي، رت جو عطيو ۽ سماجي ايڪشن سان ملهائي ويندي. سعيد غني جو چوڻ آهي ته وارڊ، يوسي ۽ ٽائونز ۾ تقريبون ڪرائڻ جون هدايتون ڏنيون وينديون
