مير علي ۾ سڪيورٽي فورسز جي قافلي تي آپگهاتي حملي جي ڪوشش ڪئي وئي
اتر وزيرستان (نيشنل ڊيسڪ) اتر وزيرستان جي علائقي مير علي ۾ دهشتگردن جو حملو، 13 جوان شهيد ٿي ويا، 14 خارجي به ماريا ويا.
آءِ ايس پي آر جو چوڻ آهي ته مير علي ۾ سڪيورٽي فورسز جي قافلي تي آپگهاتي حملي جي ڪوشش ڪئي وئي.
قافلي آڏو موجود دستي بروقت ڪارروائي ڪندي دهشتگردن جو ناپاڪ منصوبو ناڪام بڻائي ڇڏيو.
دهشتگردن جي حملي ۾ 13 بهادر جوان شهيد ٿي ويا، حملو ڀارتي رياست جي پٺڀرائي هيٺ ڪم ڪندڙ گروهه ”فتنه خوارج“ذريعي ڪرايو ويو، حملي ۾ 2 ٻار ۽ هڪ عورت به زخمي ٿي پيا.
آءِ ايس پي آر ٻڌايو ته سڪيورٽي فورسز تي حملي کان پوءِ علائقي ۾ ڪليئرنس آپريشن دوران خارجين جو پيڇو ڪيو ويو، جنهن دوران فائرنگ جي ڏي وٺ ۾ 14 خارجي ماريا ويا.
شهيد جوانن ۾ صوبيدار زاهد اقبال، حوالدار سهراب خان، حوالدار ميان يوسف، نائيڪ خطاب شاهه، لانس نائيڪ اسماعيل، سپاهي روحيل ۽ محمد رمضان شامل.
آءِ ايس پي آر موجب سپاهي نواب، زبير احمد، محمد سخي، هاشم عباسي، مدثر اعجاز ۽ منظر علي به شهيدن ۾ شامل آهن،
