عدالت 3 هفتن اندر ارسا ۾ وفاق جو ميمبر سنڌ مان مقرر ڪرڻ جو حڪم ڏئي ڇڏيو
ڪراچي (ويب ڊيسڪ) سنڌ هاءِ ڪورٽ جي حڪمن باجود ارسا ۾ وفاق جو ميمبر سنڌ مان مقرر نه ٿيڻ تي عدالت پاران ڪاوڙ جو اظهار.
عدالت 3 هفتن اندر ارسا ۾ وفاق جو ميمبر سنڌ مان مقرر ڪرڻ جو حڪم ڏئي ڇڏيو.
جسٽس فيصل ڪمال ۽ جسٽس جواد ايس سروانا تي ٻڌل 2 رڪني بينچ ۾ درخواست تي ٻڌڻي.
بئريسٽر ضمير گهمرو چيو ته اڃا تائين ارسا ۾ وفاقي جو ميمبر سنڌ مان مقرر ناهي ڪيو ويو.
ڊپٽي اٽارني جنرل عدالت کي آگاهي ڏني ته وفاقي حڪومت ارسا ايڪٽ ۾ ترميم ڪرڻ جو فيصلو ڪيو آهي.
عدالت رمارڪس ڏنا ته ترميم ڀلي ڪيو پر سنڌ جي حقن ۽ عدالتي حڪمن کي به نظر ۾ رکيو وڃي.
وفاقي حڪومت پاڻي بابت سمورا فيصلا صوبن جي مشاورت ۽ اتفاق راءِ سان ڪري، پاڻي جي فراهمي بابت گڏيل مفادن واري ڪائونسل جي فيصلي تي عمل ڪيو وڃي.
