اياز لطيف پليجو جي اڳواڻي ۾ ڀٽ شاهه کان حيدرآباد تائين پيادل مارچ، سنڌ دشمن رٿا خلاف سخت نعريبازي
ڪراچي (ويب ڊيسڪ) سنڌوءَ مان نڪرندڙ تڪراري ڪئنالن خلاف سنڌ جي ننڍن وڏن شهرن توڙي ڳوٺن ۾ احتجاجن جو سلسلو جاري.
قومي عوامي تحريڪ جي اڳواڻ اياز لطيف پليجو جي اڳواڻي ۾ ڀٽ شاهه کان حيدرآباد تائين پيادل مارچ، سنڌ دشمن رٿا خلاف سخت نعريبازي.
خيرپور ۾ آل سنڌي شاگرد اتحاد پاران درياهه تي ڌاڙي خلاف مظاهرو، مظاهري ۾ غير قانوني ڪئنالن گرين انيشي ئيٽو خلاف سخت نعاريبازي.
سکر ۾ ليڪچراز ايسوسيئيشن طرفان تڪراري ڪئنال رٿا خلاف لوڪس پارڪ کان سکر پريس ڪلب تائين ريلي، ماڻهن جو وڏو انگ شريڪ.
بدين ۾ 6 نوان ڪئنال ڪڍڻ ۽ ڪارپوريٽ فارمنگ منصوبن خلاف ايس ٽي پِي جي سڏ تي ڌرڻو، پير چوڪ ٿرڪول روڊ تي ھزارين ماڻهو گڏ ٿي ويا، ٽريفڪ معطل ٿي وئي.
اڳواڻن چيو ته بدين ۽ ساحلي پٽي ۾ ڪيترن ئي ورهين کان پيئڻ جي پاڻي جي کوٽ آھي، سازشون ڪري سنڌو درياهه مان وڌيڪ 6 ڪئنال ڪڍي سنڌ کي بنجر بڻايو پيو وڃي.
