اسلام آباد (نيشنل ڊيسڪ) آءِ ايم ايف طرفان ادارن ۾ سڌارن تي پاڪستان جو عزم واکاڻ جوڳو قرار، وزيراعظم شهباز شريف ۽ آءِ ايم ايف جي ايم ڊي ڪرسٽالينا جارجيوا وچ ۾ گذريل ڏينهن دبئي ۾ ٿيل ملاقات بابت پڌرائي جاري، ملاقات دوران آءِ ايم ايف پروگرام ۽ حڪومتي سڌارن ذريعي معاشي استحڪام بابت ڳالهيون ٿيون، وزيراعظم مالياتي ضابطا برقرار رکڻ بابت عزم ظاهر ڪيو ۽ فنڊ جي سهولت ۾ واڌ بابت اڳڀرائي جي اهميت تي زور ڏنو، ڪرسٽالينا جاجيوا جو چوڻ آهي ته وزيراعظم ۽ ٽيم سان ملاقات شاندار رهي، هو نوجوانن جي ترقي ۽ روزگار بابت قدمن جي حمايت ڪن ٿا.
