اتر وزيرستان ۾ پوليس اهلڪار سميت 2 ڄڻا اغوا بعد قتل

بڪاخيل منڊي (نيشنل ڊيسڪ) اتر وزرستان جي علائقي بقاخيل منڊي جي علائقي ۾ پوليس ڪانسٽيبل سميت 2 ڄڻن کي اغوا بعد قتل ڪيوويو. پوليس موجب گربڙ جي علائقي سان تعلق رکندڙ ڪانسٽيبل رياض الله ۽ حبيب الله کي اڻڄاتل هٿياربندن بڪاخيل منڊي ايف آر بنون مان اغوا ڪيو، هٿياربندن مغوين کي جابلو علائقي ۾ کڻي وڃي گوليون هڻي قتل ڪري ڇڏيو. هٿياربندن پاران بعد ۾ مقتولن کي قتل ڪرڻ واري وڊيو سوشل ميڊيا تي جاري ڪئي وئي، پوليس واقعي کي ذاتي دشمن قرار ڏئي رهي آهي، جڏهن ته واقعي جي وڌيڪ جاچ ڪئي پئي وڃي.